Administrazio eta Finantzako Goi-Mailako Teknikaria

1. Zer iruditzen zaizu interesgarriena ziklo honetan? 

Orokorrean, irteera asko dituenez eta arlo ugari tratatzen direnez, ziklo oso interesgarria da.

2. Zikloan ikasten diren ikasgaietatik zeintzuk berezituko zenituzke prestakuntza profesionalean duten garrantziarengatik?

Ahalegin handiak eskatu arren, irakasgai interesgarri ugari daude. Hauen arten, hurrengo hauek bereizi beharko nituzke; RRHH eta PIAC lehenengo urtean, gogorrak baina oso baliagarriak izanik eta ofimatika, erabilgarria zein praktikoa. Bigarren urteko irakasgai bat azpimarratzerakoan, “Contabilidad” edo “zenbaketa” aipatuko nuke, erabilgarria zenbaketa lanetan aritu nahi ezkero, baina materia larregi dauka erabiltzen den denborarako. 

3. Zergatik gomendatuko zenuke ziklo hau?

Ziklo hau gomendatzen dut, enpresa mundura hurbiltzen dizulako eta enpresa guztietan behar delako administrazioko perfila duen pertsona bat.

4. Sektorearen zein motatako enpresetan lan egiten duzu edo egin duzu? Zeintzuk izan dira edo dira zure betebeharrak? Kontaiguzu zure esperientzia. 

Zikloa hasi baino lehen, bi enpresetan egin nuen lan administrazioko laguntzaile bezala, bat kirol materialera zuzendua eta bestea metalera. Gaur egun, ziklo honi esker, ingeniaritza eta muntaiak egiten dituzten enpresa batean nago lanean eta asko ikasten ari naiz.