Eraikuntza-Proiektuetako Goi-Mailako Teknikaria

1. Zer da zure ustez, interesgarriena? 

Nire kasuan behintzat, errealitatera eramango ziren eraikuntzen diseinuak egitea izan zen gehien gustatu zitzaidana.

2. Zikloan ikasten diren ikasgaietatik zeintzuk berezituko zenituzke prestakuntza profesionalean duten garrantziarengatik?

Autocad programaren klaseak ezinbestekoak dira, sektore honetan, beharrezkoak dira mota honetako programak ondo maneiatzea. 

3. Zergatik gomendatuko zenuke ziklo hau?

Eraikuntza mundua gustatzen zaienei gomendatuko nieke ziklo hau, horrela bada, beharrezkoak diren ezagutza guztiak ikasten direlako.

4. Ze motatako enpresetan lan egiten dute ziklo hau ikasi dutenek, eta zein da beraien zeregina?
    

Arkitektura estudioetan, udaletxeetan, eraikinaren kalitatea baieztatzen duten enpresetan… Obra bateko planoak egitetik eraikuntza berezi bat egiteko beharrezko dokumentuak egitera joan daitezke egin daitezkeen lan ezberdinak.
 

1. Zer da zure ustez, interesgarriena? 

Ziklo oso praktiko bat dela, teoria dagoela baina erraz aplikatzen dena. Ikasten den guztia praktikara eramaten dela. 

2. Zikloan ikasten diren ikasgaietatik zeintzuk berezituko zenituzke prestakuntza profesionalean duten garrantziarengatik?

Birgaitze sektorearen gorakadaren ondorioz eraginkortasun energetikoarekin harremana duen guztia da interesgarria. Eskaera handia dago sektore horretan. 

3. Zergatik gomendatuko zenuke ziklo hau?

Nire asko gustatzen zait eraikuntza eta diseinua eta horregatik gomendatuko nuke. Suposatzen dut eraikuntza gustatzen zaion pertsona bati gomendatuko niola.

4. Ze motatako enpresetan lan egiten dute ziklo hau ikasi dutenek, eta zein da beraien zeregina?

Normalean arkitektura taldeetan lan egiten da delineante bezala. Lehen, obrak handiagoak zirenean, buruzagiaren laguntzaile bezala ere lan egiten zen. Honez gain, delineante on batek altzari denda batean lan egin dezake berriztatze eta etxeak diseinatuz. Azkenean delineantearen abileziaren araberakoa da.